Құрметті қазақстандықтар!

«QazBioPharm» Ұлттық холдингі баршаңызды Ұлыстың ұлы күні – Наурыз мейрамымен құттықтайды!

Наурыз – жаңарудың, ырыс пен ынтымақтың, елдіктің символы. Табиғат түлеп, жер жаңарған сәтте, халқымыз да жаңа белестерге ұмтылып, жарқын болашаққа жол салады. Бұл мейрам – мейірімділік пен жақсылықтың, келісім мен бірліктің жаршысы.

Біздің Холдинг халық денсаулығын сақтау мен ғылымды дамыту жолында маңызды міндеттерді атқарып келеді. Алдағы уақытта да жаңа белестерді бағындырып, ел игілігі үшін аянбай еңбек етеміз.

Баршаңызға зор денсаулық, табыс пен молшылық тілейміз! Әр шаңыраққа шаттық, береке мен бақыт орнасын! Наурыз құтты болсын!