Құрметті әріптестер, ветеринария саласының мамандары!

Сіздерді «QazBioPharm» ұлттық холдингі» акционерлік қоғамының ұжымы атынан Ветеринария қызметкерлері күнімен шын жүректен құттықтаймыз!

Бұл күн — жануарлар денсаулығы мен адамзат қауіпсіздігі жолында тынымсыз еңбек етіп келе жатқан мамандарға деген зор ризашылықтың белгісі. Ветеринария – бұл тек мал емдеу ғана емес, бұл – қоғамдық денсаулықты сақтау, азық-түлік қауіпсіздігін қамтамасыз ету, сондай-ақ биологиялық қауіптерге қарсы ұлттық иммунитет қалыптастыру ісінің ажырамас бөлігі.

«QazBioPharm» ұлттық холдингі ветеринариялық ғылым мен өндірістің дамуына ерекше көңіл бөледі. Біздің құрамымыздағы ғылыми-зерттеу институттары мен өндірістік мекемелерде ветеринария саласына арналған бірқатар инновациялық препараттар мен вакциналар әзірленіп, табысты түрде өндіріске енгізілуде. Бұл — сіздердің тәжірибелеріңіз бен біліктіліктеріңізге, сондай-ақ ғылым мен практиканың үйлесімді бірлігіне негізделген жетістіктер.

Сіздердің әрбір шешімдеріңіз — бір тіршілік иесінің өмірі, ал әрбір еңбектеріңіз — қоғам игілігіне қосылған үлес. Жануарларға деген жанашырлық пен жоғары жауапкершілік – сіздердің кәсіби болмыстарыңыздың айнасы.

Осы мерейлі күні сіздерге зор денсаулық, отбасылық амандық, кәсіби шабыт пен жаңа ғылыми жетістіктер тілейміз!
Еңбектеріңіз еленіп, істеріңіз өрге баса берсін!