«Республикалық микроорганизмдер коллекциясы» жауапкершілігі шектеулі серіктестігі (РКМ) «QazBioPharm» ұлттық холдингі» АҚ еншілес ұйымы болып табылады.

Микроорганизмдердің республикалық коллекциясы «Микроорганизмдердің республикалық коллекциясы туралы» Қазақстан Республикасы Үкіметінің 2002 жылғы 30 шілдедегі № 850 қаулысы негізінде құрылды, өнеркәсіптік-құнды микроорганизмдердің депозитарийі болып табылады.

«QazBioPharm» ұлттық холдингі» акционерлік қоғамын құру мәселелері туралы Қазақстан Республикасы Үкіметінің 2021 жылғы 20 желтоқсандағы № 910 қаулысымен, Қазақстан Республикасы Қаржы министрлігі Мемлекеттік мүлік және жекешелендіру комитетінің 2022 жылғы 17 тамыздағы № 470 бұйрығымен «Республикалық микроорганизмдер коллекциясы» жауапкершілігі шектеулі серіктестігі болып қайта құрылды.

Республикалық микроорганизмдер коллекциясы Астана қаласында орналасқан, онда әртүрлі бағыттағы 5 ғылыми зертхана бар.

Басшылық:

Бас директордың м.а. – Бекшин Жандарбек Мұхтарұлы, медицина ғылымдарының кандидаты.

Жарғылық қызмет:

1) өнеркәсіптік микроорганизмдер коллекциясы саласында ақпараттық деректер базасын қалыптастыру;

2) серіктестік қызметінің бейіні бойынша профилактикалық, диагностикалық биопрепараттар өндіру технологияларын әзірлеу және жетілдіру;

3) микробиология және биотехнология саласындағы журналдар мен мерзімді басылымдарды басып шығару;

4) тегін медициналық көмек көрсету кепілдік көлемінің шеңберінде фармацевтикалық және медициналық тауарларды көтерме саудада сату;

5) биотехнология саласындағы ғылыми зерттеулер мен эксперименттік әзірлемелер;

6) инфекцияға қарсы препараттар саласындағы зерттеулер мен әзірлемелер;

7) жаратылыстану және техникалық ғылымдар саласындағы өзге де зерттеулер мен әзірлемелер;

8) денсаулық сақтау саласындағы өзге де қызмет.

Эл.пошта: rcm-info@mail.ru

Байланыс номері: + 7 (7172) 20-10-32

Мекенжай: Астана қ, Байқоңыр ауданы, Ш. Уалиханов көшесі 13/1

https://rcm.kz/