QazBioPharm «Биологиялық қауіпсіздік» стандартизациялау техникалық комитетін ҚР «Стандартизация туралы» Заңының 11-бабының 4-тармағының 11) тармақшасына және Қазақстан Республикасының Инвестициялар және даму министрінің 2018 жылғы 26 желтоқсандағы № 919 бұйрығымен бекітілген техникалық комитеттерді құру, жұмыс істеу және тарату ережелеріне сәйкес құрды. Комитет ұлттық стандартизация жүйесінің реестрінде № 121 ретінде тіркелген.

Техникалық комитет — бұл ғылыми-зерттеу институттары, кәсіпорындар мен ұйымдар, мемлекеттік басқару органдары, қауымдастықтар, сәйкестік сертификаттау органдары сияқты биологиялық қауіпсіздік және/немесе стандартизация саласында ең жоғары ғылыми-техникалық әлеуеті мен тәжірибесі бар мүдделі тараптардың ерікті ынтымақтастығының формасы.

«Биологиялық қауіпсіздік» стандартизациялау техникалық комитетін құрудың негізгі мақсаттары:

Қазақстан Республикасының 2022 жылғы 21 мамырдағы №122-VII «Қазақстан Республикасының биологиялық қауіпсіздігі туралы» Заңын іске асыру;

Биологиялық қауіпсіздік саласындағы техникалық реттеу жүйесін қалыптастыруға қатысу;

Қазақстан Республикасының 2018 жылғы 5 қазандағы №183-VI «Стандартизация туралы» Заңы мен оған байланысты нормативтік актілерді іске асыру;

Ұлттық және халықаралық деңгейде стандартизация жұмыстарының тиімділігін арттыруға жәрдемдесу.

«Биологиялық қауіпсіздік» стандартизациялау техникалық комитетінің міндеттері мен функциялары:

Комитет ұлттық стандарттардың сапалық деңгейін үздіксіз жетілдіру және халықаралық стандарттардың талаптарын ескере отырып дамытуға бағытталған;

Биологиялық қауіпсіздік элементтерін сенімді пайдалану және адамның әртүрлі қызмет салаларындағы биологиялық қауіптерді бағалау стандарттарын енгізуге көмектесу. Бұл әртүрлі тәсілдерді салыстыруға және олардың экологиялық және экономикалық тиімділігін бағалауға мүмкіндік береді;

Стандартизациялау құжаттарын әзірлеуге қатысу;

Техникалық комитетке бекітілген объектілер мен қызмет бағыттары бойынша ұлттық стандартизация жүйесін дамытудың негізгі бағыттарын анықтау жөніндегі ұсыныстарды дайындау;

Техникалық регламенттер мен ұлттық стандарттарды әзірлеуге, сондай-ақ жылдық ұлттық стандартизация жұмыс жоспарларына ұсыныстар енгізуге қатысу;

Ұлттық нормативтік құжаттарды халықаралық, мемлекетаралық, өңірлік және шетелдік стандартизация құжаттарымен үйлестіру және біріздендіру бойынша ұсыныстар дайындау және жұмыстар жүргізу;

Комитетке бекітілген объектілер бойынша ұйымдық стандарттарды, Қазақстанның стандартизациялау ұсыныстарын әзірлеу және қарау;

Комитет қызметіне қатысты стандарттау нормативтік құжаттарының қолданылуын мониторингтеу;

Комитеттің қызмет саласына сәйкес қолданыстағы нормативтік құжаттарды талдау;

Комитетке бекітілген объектілер бойынша техникалық деңгей мен қол жеткізілген стандартизация деңгейін бағалау;

Комитетке бекітілген бағыттар бойынша ұлттық стандарт жобаларын техникалық талқылау ұйымдастыру.