Мемлекеттік қатысуымен заңды тұлғаларды құру жөнінде ҚР ҰЭП «Атамекен» ұсынымдарын беру регламентіне сәйкес, «QazBioPharm» ұлттық холдингін құру туралы сұрау қоғамдық талқылау үшін жарияланады.

Қазақстан Республикасының Президентінің 2021 жылғы 14 маусымдағы №21-2536 Жарлығын орындау мақсатында Қазақстан Республикасының Денсаулық сақтау министрлігі (бұдан әрі – Министрлік) «QazBioPharm» Ұлттық холдингі» АҚ-ны құруды жоспарлап отыр. Холдинг құрамына қазіргі уақытта республикалық мемлекеттік кәсіпорындар «Биологиялық қауіпсіздік проблемалары ғылыми-зерттеу институты» (БҚҒЗИ), «Ұлттық биотехнология орталығы» (ҰБО), «Республикалық микроорганизмдер коллекциясы» (РМК) кіреді, олар кейіннен жауапкершілігі шектеулі серіктестіктерге («БҚҒЗИ», «ҰБО», «РМК») түрлендіріледі.

Қызмет ету аумағы: Қазақстан Республикасының барлық аумағы бойынша.

Қазақстан Республикасының Денсаулық сақтау министрлігі «QazBioPharm» Холдингі» АҚ-дағы мемлекеттік акция пакетін иелену және пайдалану құқығын жүзеге асырады және «QazBioPharm» Холдингі» АҚ-ның Біріккен акционері болып табылады, акционер ретінде мемлекеттік мүддені жалпы акционерлік жиналыстың құзыретіне кіретін мәселелер бойынша ҚР заңнамасына сәйкес қорғайды.

Кәсіпорын келесі қызмет түрлерін жүзеге асыруды жоспарлап отыр:

Холдингтік компаниялар қызметі (ОКЭД 64200);

Фармацевтикалық препараттарды өндіру (21201);

Кепілдендірілген көлемде тегін медициналық көмек шеңберінде фармацевтикалық және медициналық тауарларды көтерме саудасы (46462);

Ветеринариялық препараттарды өндіру (21202);

Биотехнология саласында ғылыми-зерттеу және тәжірибелік-конструкторлық жұмыстар (72110);

Инфекцияға қарсы препараттар саласында зерттеулер мен әзірлемелер (72195).