2025 жылғы 11–12 маусымда Стамбұл қаласында «Qazbiopharm» ұлттық холдингі мен Boehringer Ingelheim Animal Health France француз компаниясының өкілдері арасында кезекті жұмыс кездесуі өтті. Іс-шара 2024 жылғы 16 қаңтарда қол қойылған ынтымақтастық туралы келісім аясында ұйымдастырылды.

Кездесудің негізгі тақырыбы – жануарлардың аусылына қарсы вакцина өндіру бойынша қазіргі және болашақтағы ынтымақтастық мәселелерін талқылау. Тараптар жобаның жүзеге асу барысын, алдағы кезеңдердегі ықпалдастық мүмкіндіктерін және өзара іс-қимыл тетіктерін қарастырды.

Келіссөздер сындарлы диалог жағдайында өтті. Нәтижесінде тараптар стратегиялық әріптестікті одан әрі нығайтуға ниетті екендіктерін білдіріп, бірқатар алдын ала уағдаластықтарға қол жеткізді. Алдағы өзара іс-қимылдың негізгі бағыттары – өндіріс, ғылыми зерттеулер және халықаралық стандарттарға сай кадр даярлау мәселелері болмақ.